Translate to Khmer

Tuesday, August 25, 2009

កម្មករខ្មែរទៅធ្វើការនៅម៉ាឡេស៊ី និងកូរ៉េកើន​ឡើង​ខណៈ​ពេល​ទៅ​ថៃ​ថយ​ចុះ

ព័ត៌មានថ្មីៗ 14:08:25, 25 August 2009

បើតាមតួលេខ​របស់ស្ថាប័នជំនាញបានឲ្យដឹងថា ពលករនិងពលការិនីដែលចេញ​ទៅ​ធ្វើការ​នៅ​ក្រៅ​ប្រទេស​រួម​មាន​ម៉ាឡេស៊ី និង​កូរ៉េខាង​ត្បូង​មាន​ការកើន​ឡើង បើ​ទោះ​បី​ជា​​វិបត្តិ​សេដ្ឋ​កិច្ច​ពិភព​លោក បាន​ជះ​ឥទ្ធិពល​ទៅ​លើ​ប្រទេស​អាស៊ី​ទាំង​នោះ​ក៏ដោយ។ ប៉ុន្តែ​​ជា​​មួយ​​នេះ​​ពលករ​​ខ្មែរ​​ដែល​​ចេញ​​ទៅ​រក​​ការងារ​​ធ្វើ​នៅ​ថៃមានការថយចុះ ហើយ​ត្រូវ​បាន​មន្ត្រី​ជំនាញ​និយាយ​ថា ដោយ​សារ​សភាព​ការណ៍​នៅ​ព្រំ​ដែន​។ លោកដែន សីមា ជូន របាយ​ការណ៍​ពិស្តារ​ពី​រាជ​ធានី​ភ្នំពេញ​។

ប្រធានសមាគមភ្នាក់ងារជ្រើសរើសពលករកម្ពុជា លោក អន ប៊ុនហាក់បាន​មាន​​ប្រ​សាសន៍​​ថា ការ​​បញ្ជូន​ពលករ​ពលការិនី ទៅ​ធ្វើ​ការ​នៅ​ម៉ាឡេស៊ី និង​កូរ៉េ​ នៅ​​ឆ្នាំ​២០០៩​​នេះ មាន​​ចំនួន​​មិន​​តិច​​ជាង​កាល​ពី​ឆ្នាំ​២០០៥​ឬ​បណ្តា​ឆ្នាំ​កន្លង​ទៅ​នោះ​ទេ​។ ទោះ​បី​ប្រទេស​នៅ​តំបន់​អាស៊ី​ទាំង​នោះ​ជួប​វិបត្តិ​សេដ្ឋកិច្ច​ខ្លះៗ បែប​ណា​ក៏ដោយ។ តាមលោកប៊ុន ហាក់
ក្នុង​ប៉ុន្មាន​ខែ​ចុង​ឆ្នាំ​២០០៩​នេះ ពលករ​ខ្មែរ​បាន​ចេញ​ទៅ​ធ្វើការ​នៅ​ក្រៅ​ប្រទេស​គឺ​បាន​កើន​លើស​កាល​ពី​ឆ្នាំ​២០០៨​ដែរ​។​លោក​បាន​​ប៉ាន់​ប្រមាណ​ថា សម្រាប់​ឆ្នាំ​២០០៩​នេះ បើ​គិត​តែ​ប្រទេស​កូរ៉េ​មួយ​ ពលករ​មក​ពី​គ្រប់​ប្រទេស​គិត​រួម​ទាំង​កម្ពុជា​ផង​ក្នុង​រយៈ​ពេល​បី​ខែ​ចុង​ឆ្នាំ​នេះ​អាច​នឹង​ឡើង​ដល់​៣០០០​នាក់។

ទី​ផ្សារ​ពលករ​ខ្មែរ​នៅ​ក្រៅ​ប្រទេស ក្នុង​ឆមាស​ទី១​ដើម​ឆ្នាំ​២០០៩​នេះ ក៏ត្រូវ​បាន​មន្ត្រី​ជំនាញ​នៃ​ក្រសួង​ការងារ​បញ្ជាក់​ឲ្យ​ដឹង​ក្នុង​លក្ខខណ្ឌ​មិន​ឲ្យ​បញ្ចេញ​ឈ្មោះ និង​សំឡេង​ថា ពលករ​ខ្មែរ​ដែល​បាន​ចេញ​ទៅ​ធ្វើ​ការ​ស្រប​ច្បាប់​នៅ​ប្រទេស​ម៉ាឡេស៊ី មាន​ចំនួន​១៧៧៤​នាក់ និង​ទៅ​ប្រទេស​កូរ៉េ​មាន​ចំនួន​១០៥៥​នាក់។ ហើយថា​ពលករ​ខ្មែរ​ដែល​ចេញ​ទៅ​ធ្វើការ​នៅ​ប្រទេស​ទាំង​ពីរ​នេះ មាន​ចំនួន​មិន​តិច​ជាង​ឆ្នាំ​២០០៨​នោះ​ទេ។

ប៉ុន្តែ​សម្រាប់​ពលករ​ខ្មែរស្រប​​ច្បាប់​ទៅ​ធ្វើការ​នៅ​ប្រទេស​ថៃ​វិញ គឺបាន​​ថយ​ចុះ​​ គឺ​ធ្លាក់​មក​ត្រឹម​ចំនួន​៨១៧​នាក់​ប៉ុណ្ណោះ​។​មន្ត្រី​ជំនាញ​ដដែល​បាន​ឲ្យ​ដឹង​ថា បច្ចុប្បន្ន​សម្រាប់​ទី​ផ្សារ​ពល​កម្ម​ខ្មែរ នៅ​ប្រទេស​ម៉ាឡេស៊ី និងនៅ​ប្រទេស​កូរ៉េ​នៅ​តែ​បើក​ទូលាយ ហើយ​កាន់​តែ​ប្រសើរ​ជាង​មុន។ ពលករ​ដែល​ទៅ​ធ្វើការ​នៅ​ម៉ាឡេស៊ី ពីមុន​មក​មាន​តែ​ក្រុម​ហ៊ុន​មួយ​ធ្វើការ​ជ្រើស​រើស ប៉ុន្តែ​ឥឡូវ​បាន​ពង្រីក​ដល់​ទៅ​៣​ក្រុម​ហ៊ុន​ឯណោះ។ ហើយថា ទីផ្សារ​ការងារ​នៅ​ម៉ាឡេស៊ី ក៏​មាន​ច្រើន​សម្រាប់​ផ្តល់​លទ្ធភាព​ឲ្យ​ពលករ​ខ្មែរ​ធ្វើការ​ជ្រើស​រើស​រួមមាន៖ រោងចក្រ សហគ្រាស​រោង​ចក្រ​ផលិត​គ្រឿង​អេឡិច​ត្រូនិក សេវាកម្ម​ និងផ្នែក​សំណង់ ព្រម​ទាំង​ស្ត្រី​ជំនួយការ​ផ្ទះ​ជា​ដើម។

លោកជា មុន្នី ប្រធាន​សហជីព​សេរី​កម្មករ​កម្ពុជា មាន​ប្រសាសន៍​ថា ទីផ្សារ​​ការងារ​នៅ​ក្រៅ​ប្រទេស សម្រាប់​ពលករ​និង​ពលការិនី​ខ្មែរ មិន​សំខាន់ ឬ​ប្រសើរ​ជាង​ទីផ្សារ​នៅ​ក្នុង​ស្រុក​នោះ​ទេ៕

(សំឡេងលោកជា មុន្នី)

(របាយការណ៍ដោយ ដែន សីមា)

Search

Loading...

Buddha Quotes

Dalai Lama Quotes

Benjamin Franklin Quotes

Ronald Reagan Quotes

Shared News