Saturday, January 31, 2015

បច្ចេកទេស​ចម្រាញ់​ថ្នាំ​ជក់​ធ្វើ​ថ្នាំ​សម្រាប់​ការពារ​ពពួក​សត្វល្អិត



ខាងក្រោមនេះ​ជា បច្ចេកទេសក្នុង​ការ​​យកថ្នាំជក់មកចម្រាញ់ធ្វើជាថ្នាំសម្រាប់ការពារពពួកសត្វល្អិត៖

១. សមាសធាតុប្រឆាំងនឹងសត្វល្អិត

ថ្នាំជក់​មានផ្ទុកសមាសធាតុម៉្យាងឈ្មោះថា​ Alkaloid nicotine ដែលអាចធ្វើឲ្យប៉ះពាល់ដល់ប្រព័ន្ធប្រសាទរបស់សត្វល្អិត និង អាច​បណ្ដាល​ឲ្យសត្វល្អិតពុលងា

២. ផ្នែកប្រើប្រាស់

- ដើម
- ទង
- មែក
- ស្លឹក

៣. វិធីផ្សំ​និងវិធីប្រើប្រាស់ថ្នាំ

- ស្ងោរថ្នាំជក់ទម្ងន់ ២៥០ ក្រាម ជាមួយទឹក៤លីត្រ​រយៈពេល២០​នាទី
- ទុកថ្នាំស្ងោរមួយសន្ទុះឲ្យត្រជាក់ រួចច្រោះយកកាកថ្នាំចេញ
- បន្ថែមទឹកសាប៊ូចំណុះ២០​លីត្រ
- បាញ់ ឬស្រោចលើរុក្ខជាតិ ដែលទទួលរងការបំផ្លាញពីសត្វល្អិត។

៤. ប្រសិទ្ធភាពលើសត្វល្អិត

- ចៃ
- ដង្កូវស៊ីស្លឹកស្ពៃ
- ដង្កូវមេអំបៅ
- ទាកគួរ
- កញ្ចែ
- ដង្កូវស៊ីរូងដើម

៥. ប្រការគួរជៀសវាង

- គួររក្សាថ្នាំពុលឲ្យនៅឆ្ងាយពីមនុស្ស និងសត្វ ដើម្បីជៀសវាងការពុល
- ពុំគួរប្រមូលផលភ្លាម បន្ទាប់ពី​បាញ់ថ្នាំជក់ គួរទុកពេលឲ្យបាន​១០-១៥​ថ្ងៃ
- ពុំគួរបាញ់ថ្នាំជក់លើរុក្ខជាតិខ្ពស់ៗ​ទេ​។

*** កំណត់​សម្គាល់៖ ដើម្បីឲ្យមានប្រសិទ្ធភាពកាន់តែខ្ពស់ត្រូវប្រើជាមួយមេជីទឹក Sun Hero and Sun Chitosan

ព័ត៌មាន​និង​រូប​ថត​៖ អភិវឌ្ឍន៍វិស័យកសិកម្មកម្ពុជា/សេវាកម្មប្រឹក្សានិងរៀបចំគម្រោង

សម្រាប់​ព័ត៌មាន​បន្ថែម ឬ​ចម្ងល់​ផ្សេងៗ សូម​ទាក់​ទង​តាម​រយៈ៖

ទូរស័ព្ទលេខ៖ ០៨១ ៩៩៦ ៣០២
អ៊ីម៉េល៖ kh_angkor855@hotmail.com

Friday, January 30, 2015

កសិករ​អាច​រក​ប្រាក់​ចំណូល​បន្ថែម​ ពី​ការ​ចិញ្ចឹម​កង្កែប​ក្នុង​ស្រែ

ចិញ្ចឹម​កង្កែប​នៅ​ក្នុង​ស្រែ​នាំ​ឲ្យ​កសិករ​បង្កើន​ទិន្នផល​ស្រូវ​និង​​​ប្រាក់​ចំណូលបន្ថែម។ សូម​ទស្សនាវិឌីអូ​ខាង​ក្រោម ដើម្បី​ស្ដាប់​បទពិសោធន៍​របស់​កសិករ​នៅ​ខេត្ត​តាកែវ និយាយ​អំពី​ផល​ប្រយោជន៍​ពី​ការ​ចិញ្ចឹម​កង្កែប៖
​​

បច្ចេកទេស​ដាំ​និង​ថែទាំ​ត្រប់វែង​


Agriculture Cambodia - កសិកម្ម​កម្ពុជា សូម​លើក​យក​​បច្ចេកទេស​​ដាំ​ត្រប់​វែង​របស់​កសិករ​ខ្មែរ ដែលមាន​រៀប​រាប់​​ដូច​ខាង​ក្រោមនេះ។

១. ការជ្រើសរើសពូជ៖

ជ្រើសរើសពូជត្រប់​ណាដែលល្អ មិនយកគ្រាប់ខ្ចីពេកមកព្រោះ បន្ទាប់​មកជ្រើសរើសកូនដែល​ថ្លោសល្អមកដាំ។

២. ការរៀបចំដី៖

មុនពេលដាំយើងភ្ជួរ២ទៅ៣ដង។ ភ្ជួរលើកទី១ដើម្បីកំចាត់ស្មៅដោយមុនភ្ជួរយើងបាញ់ថ្នាំកំចាត់ស្មៅ​ហើយទុក​រយៈ​​ពេល​៣​ទៅ​៧​ថ្ងៃ​ទើប​ភ្ជួរ​លើកទី២ ហើយរាស់ឲ្យ​រាបស្មើរតែម្ដង​។ បន្តាប់មកលើករង​ដាំ កាប់រណ្តៅ​ដែលមានទំហំ២តឹកបួនជ្រុង ឃ្លាត​ពីគុម្ភ​មួយពី​ ០,៥​ ទៅ​០,៧ ម៉ែត្រ។

៣. ការដាំដុះ៖ 

យកកូនត្រាប់ដែលថ្លោសល្អ និងមានសុខភាពល្អដែលមានកំពស់១តឹក មកដាក់ដាំក្នុងរណ្តៅរួចស្រោចទឹកឲ្យ​សើមល្មម។

៤. ការប្រើមេជីទឹក Sun Hero and Sun Chitosan និងប្រើជីសរីរាង្គគ្រាប់សញ្ញា Suotchhoen៖

រយៈ​ពេល១៥​ថ្ងៃ​យើងប្រើជី Sun Hero and Sun Chitosan ម្តងជាលើកទីមួយ ដោយប្រើជី​២​មុខក្នុងមួយមុខៗយើងប្រើអស់​ ១ដប សម្រាប់​ផ្ទៃ​ដី​២ហិកតារ។ លើកទី២ យើងដាក់១៥ថ្ងៃបន្តាប់ពីដាក់លើកទី១ ហើយដោយប្រើជី២មុខ ក្នុងមួយមុខៗយើងប្រើអស់១​ដប សម្រាប់​ផ្ទៃ​ដី២ហិកតារ។ លើកទី៣ យើងដាក់១៥ថ្ងៃ បន្តាប់ពីដាក់លើកទី២ ហើយដោយប្រើជី១មុខ ក្នុងមួយមុខៗយើងប្រើអស់១ដប សម្រាប់​ផ្ទៃ​ដី​២ហិកតារ។

សម្រាប់​ព័ត៌មានបន្ថែម ឬ​ទំនាក់​ទំនង​ពិគ្រោះ​យោបល់ សូម​ទាក់​ទង​តាម​រយៈ៖

អភិវឌ្ឍន៍វិស័យ​កសិកម្ម/សេវាកម្ម​ប្រឹក្សា​និង​រៀប​ចំគម្រោង៖​
ទូរស័ព្ទលេខ៖ ០៨១ ៩៩៦ ៣០២
អ៊ីម៉េល៖ kh_angkor855@hotmail.com 

Thursday, January 29, 2015

វិធីយកប៉េងប៉ោះមកធ្វើជាថ្នាំសម្រាប់ការពារសត្វល្អិត



Agriculture Cambodia-កសិកម្ម​កម្ពុជា សូម​ពាំនាំ​​របៀប​យក​ប៉េង​ប៉ោះ​មក​​ធ្វើ​ជា​ថ្នាំ​សម្រាប់​ការ​ពារ​សត្វល្អិត ដូ​ច​តទៅ៖

១. ផ្នែកប្រើប្រាស់

- ស្លឹក
- មែក
- ដើម

២. វិធីផ្សំនិងវិធីប្រើប្រាស់ថ្នាំ

- យកស្លឹកប៉េងប៉ោះ១គីឡូក្រាមមកបុក រួចដាក់ចូលក្នុងក្រឡ ឬ​ពាង
- ចាក់ទឹក១៧លីត្រចូលរួចផ្អាប់ទុក ២-៣ ម៉ោង មុនពេលច្រោះយកកាកស្លឹកចេញ
- ចាក់ទឹកសាប៊ូ២-៣ដំណក់ចូល
-​ យកទឹកថ្នាំខាងលើបាញ់ទៅលើរុក្ខជាតិ ដែលទទួលរងពីការបំផ្លាញដោយសត្វល្អិត។

៣. ប្រសិទ្ធភាពលើសត្វល្អិត

- ចៃ
- ពពួកដង្កូវ

ទទួល​បាន​សិទ្ធិ​ផ្សព្វផ្សាយបន្ត​ពី អភិវឌ្ឍន៍វិស័យកសិកម្មកម្ពុជា/សេវាកម្មប្រឹក្សានិងរៀបចំគំរោង 

វិធីសាស្ត្រយកស្ដៅមកផលិតថ្នាំសម្រាប់ការពារសត្វល្អិតផ្សេងៗ



សមាសធាតុប្រឆាំងនឹងសត្វល្អិត​ស្ដៅ​មានផ្ទុកសមាសធាតុ Azadirachtin និងសមាសធាតុសំខាន់ៗមួយ​ចំនួនទៀត ដែលអាចមានឥទ្ធិពល លើប្រព័ន្ធបន្តពូជរបស់សត្វល្អិត ជាពិសេសអ័រម៉ូ​ន​របស់​វា​។

ផ្នែកប្រើប្រាស់៖

សម្បក (ដើម​ឬមែក)
ស្លឹក
ផ្លែ

វិធីផ្សំ​ និង​​វិធីប្រើប្រាស់​ថ្នាំពុលផ្សំពីស្លឹកឬដើមស្ដៅ៖

បុកស្លឹក​ឬសម្បក ១-២ គីឡូក្រាមឲ្យម៉ត់​និងថ្មមៗ
ដាក់ចូលក្នុងក្រឡ ឬពាង ចាក់ទឹកចំនួន ២-៤ លីត្រ​ចូល គ្រប និងចងមាត់គម្របឲ្យជិតល្អ និងរក្សាទុកចំនួន៣ថ្ងៃ
ច្រោះឬសម្រិតយកតែផ្នែកថ្លាសម្រាប់ប្រើប្រាស់ជាថ្នាំ
លាយទឹកថ្នាំ​ដែលផលិតបានជាមួយទឹក៩លីត្រ
បន្ថែមទឹកសាប៊ូ​១០០មីលីលីត្រ
កូរបញ្ចូលគ្នា រួចស្រោចឬ​បាញ់លើដំណាំដែលទទួលរងការបំផ្លាញពីសត្វល្អិត។

ប្រេងថ្នាំពុលពីគ្រាប់ស្ដៅ៖​

បកសម្បកគ្រាប់ចេញ រួចបុក ឬកិនគ្រាប់ឲ្យហ្មត់
យកគ្រាប់ស្ដៅ ដែលបុករួចចំនួន៥​គីឡូក្រាមដាក់ចូលក្នុងចានដែក ឬក្រឡ
ចាក់ទឹកក្ដៅចូលបន្តិចម្ដងៗ រហូតដល់ម្សៅស្ដៅអាចច្របាច់បាន (ប្រើទឹកក្ដៅកន្លះលីត្រ)
គាប ឬសង្កត់ល្បាយដើម្បីឲ្យប្រេងហូរចេញ
យកប្រេងដែលទទួលបាន លាយជាមួយទឹកសាប៊ូ១០០ មីលីលីត្រ
យកល្បាយខាងលើ ១លីត្រ លាយជាមួយទឹក ៩លីត្រ រួចកូរកុំឲ្យប្រេងញែកចេញពីទឹក
ចាក់ចូលក្នុងធុងបាញ់ថ្នាំ ហើយបាញ់ទៅលើដំណាំដែលទទួលរងការបំផ្លាញពីសត្វល្អិត។

ប្រសិទ្ធភាពលើសត្វល្អិត៖

ដង្កូវចោះដើមស្រូវ
កណ្ដូបស៊ីស្រូវ
ដង្កូវចោះស្លឹក
ដង្កូវស៊ីស្លឹក
ទាកគួរ
រុយស
មមាច
ចៃ

អត្ថបទ​និង​រូប​ថត​ដោយ អភិវឌ្ឍន៍វិស័យកសិកម្មកម្ពុជា/សេវាកម្មប្រឹក្សានិងរៀបចំគំរោង

Search

Shared News