Friday, December 13, 2019

បច្ចេកវិទ្យា​ដាំដំណាំវៃឆ្លាត

តើក្រុមហ៊ុន ដំណោះស្រាយការដាំដំណាំវៃឆ្នាត (IGS) ជួយ​កាត់​បន្ថយការចំណាយលើការដាំដំណាំបញ្ឈរដោយរបៀបណា

កំណត់សម្គាល់របស់អ្នក​និពន្ធ៖ ដំណោះស្រាយការដាំដំណាំវៃឆ្លាត (Intelligent Growth Solutions, IGS) គឺជាក្រុមហ៊ុនផលប័ត្រ AgFunder's ដែល​ក្នុងពេលថ្មីៗនេះ បានទាក់ទាញការវិនិយោគពី​វិនិយោគិន​ឈានមុខ Ospraie។ ដំណោះស្រាយការដាំដំណាំវៃឆ្លាត (IGS) ផ្តល់ជូននូវបច្ចកវិទ្យា​ដាំដំណាំ​បញ្ឈរ ជូនអ្នកប្រកបរបរ​ដាំដំណាំបញ្ឈរ ដែលគេនិយាយ​ថា អាចបង្កើនប្រសិទ្ធផល និងកាត់បន្ថយចំណាយបានច្រើន បើប្រៀបធៀបទៅនឹង ការដាំដំណាំ​​បញ្ឈរដទៃទៀត។ វាពិតជាពិបាកក្នុងការពន្យល់ឱ្យច្បាស់លាស់ ថាតើ​បច្ចេកវិទ្យានេះ​ដំណើរការយ៉ាងដូចម្តេច។ ដូច្នេះហើយ យើងបាន​ជួបជាមួយ​វិស្វករមេកានិកម្នាក់​នៅក្រុមហ៊ុន ដំណោះស្រាយ​ការដាំដំណាំ​​វៃឆ្លាត ដើម្បី​ឱ្យ​គាត់ជួយពន្យល់ស៊ីជម្រៅ ថាតើ បច្ចេកវិទ្យានេះដើរ​ និងជួយដោយរបៀបម៉េច។

តើការលំបាកៗអ្វីខ្លះចំពោះមុខសម្រាប់​​ទីផ្សារដាំដំណាំបញ្ឈរ ដែលបច្ចេកវិទ្យា ដំណោះស្រាយ​ការដាំដំណាំ​វៃឆ្លាត ជួយដោះស្រាយបាន ហើយតើវាជួយ​ដោះស្រាយ​របៀប​ដូចម្តេច?

ខណៈដែលការដាំដំណាំបញ្ឈរ មិនមែនជាដំណោះស្រាយចុងក្រោយចំពោះ​ការប្រឈមមុខ​នឹង​កសិកម្ម​របស់ពិភពលោកក៏ដោយ ក៏វា​ពិត​ជា​ជួយ​ដល់​ការគ្រប់គ្រងបម្រែបម្រួល​ជាច្រើន ឬ​និយាយឱ្យច្បាស់​គឺ​វាជួយ​ដល់ការគ្រប់គ្រង​អាកាសធាតុ។ ចំពោះ បច្ចេកវិទ្យា ដំណោះស្រាយ​ការដាំដំណាំវៃឆ្លាត យើងបានងាក​ទៅមើលមូលដ្ឋានគ្រឹះនៃវិធីសាស្រ្តបច្ចេកវិទ្យារបស់យើង ដើម្បីធ្វើឱ្យការគ្រប់គ្រងអាកាសធាតុ ក្លាយជាការពិត ដោយបង្កើតបាន៤គ្រួសារមានប៉ាតង់ និងកំពុងរង់ចាំ​ទទួល​ប៉ាតង់ថែមទៀត​។

យើងបានទទួលស្គាល់ថា ការប្រកបរបរ​ដាំដំណាំ​បញ្ឈរ ចាំបាច់ត្រូវតែមានលក្ខណៈសាមញ្ញ ទោះបីជា បច្ចេកវិទ្យាគាំទ្រ​វា មិនសាមញ្ញ​ក៏ដោយ! តាមការរចនាបង្កើតឡើងរបស់វា ការដាំដំណាំ​បញ្ឈរ ច្រើនតែស្ថិតក្នុងបរិស្ថានបច្ចេកទេស និងស្មុគស្មាញជាងកសិដ្ឋានបែបបុរាណ ឬស្មុគស្មាញ​ជាង សូម្បីតែបរិស្ថាន​​ផ្ទះ​​កញ្ចក់ ។ ប៉ុន្តែ ប្រព័ន្ធបច្ចេកទេសខ្លាំងពេក​នោះ អាចមិនគួរ​ឱ្យ​សប្បាយចិត្ត​ ឬចូលចិត្ត​ទេ​ ដូច្នេះយើងក៏បានងាកមកគិតរក​វិធី​ខុសពីនោះ​ គឺ​គ្មាន​កុំព្យួទ័រ គ្មាន​ខ្សែ ឬគ្មានឧបករណ៍បញ្ចូលភ្លើង នៅក្នុងប្រព័ន្ធរបស់យើងទេ។

ជាការពិតណាស់​ យើងបានគិត​អំពីលទ្ធភាពថ្មីស្រឡាង ថាតើត្រូវធ្វើរបៀបយ៉ាងណាដើម្បីនាំអាកាសធាតុពីខាងក្រៅមកប្រើខាងក្នុង ហើយប្រើកម្មវិធីទូរស័ព្ទចល័ត ដើម្បីគ្រប់គ្រងវា។ ក្របខ័ណ្ឌប្រព័ន្ធវាស់វែង ដោត​ប្រើ របស់យើង ជួយដោះស្រាយបញ្ហាប្រឈមនឹងថាមពល និងថ្លៃដើមកម្លាំងពលកម្ម ព្រមទាំងផ្តល់ឱកាសក្នុងការរបៀបចំផែនការអាកាសធាតុមុន ដើម្បីធានាបាននូវផលិតភាព ទិន្ន​ផល និរន្តរភាព និងគុណភាព ​ជា​អតិបរិមា។ កិច្ចខិតខំប្រឺងប្រែងសំខាន់ៗក្នុងការស្រាវជ្រាវនិងអភិវឌ្ឍន៍របស់យើងគឺដើម្បីធានាបាននូវ លទ្ធភាពដាំដំណាំ ឬធ្វើកសិកម្ម កាន់តែប្រសើរឡើង សម្រាប់អ្នកប្រកបរបរនេះ និងការផ្តោត​ទៅលើបច្ចេកវិទ្យា​កាត់បន្ថយ​​ការប្រើ​ប្រាស់​ភ្លើង​អគ្គិសនី​ ហើយ​ដំណើរការដោយស្វ័យប្រវត្តិ ​ជាករណី​សំខាន់បំផុត។ វិធីសាស្រ្តនេះ​ បានជួយឱ្យយើងមានឱកាសបង្ហាញយ៉ាងច្បាស់ អំពីការកាត់បន្ថយការប្រើប្រាស់​ភ្លើង​អគ្គិសនីរហូតដល់ ៥០% និងតម្លៃពលកម្មរហូតដល់៨០%។​

បន្ថែមលើសមត្ថភាពរបស់យើង​ក្នុងគ្រប់គ្រងថាមពល យើងមានការរំភើបជាពិសេស ចំពោះប៉ាតង់របស់យើង ដែល​ជួយ​ដោះស្រាយបញ្ហាធ្ងន់ធ្ងរ​ដែលប្រឈម​នឹង​ខ្យល់ចេញចូលនៅក្នុងកន្លែងបិទជិត​។ ការ​រក្សាដំណាំឱ្យ​ស្ថិត​នៅក្នុង​សីតុណ្ហភាពស្មើ ឬថេរ ក្រោមពន្លឺ​ក្តៅ ខណៈ​រក្សាលំនឹង​កាបោន​ឌីអុកស៊ីដចូល និង​អុកស៊ីហ្ស៊ែនចេញ ​គឺនៅមានមន្ទិល​ច្រើន ប៉ុន្តែ ក្នុងស្ថានភាព​នេះ បច្ចេកវិទ្យាប៉ាតង់ ដែលយើងកំពុងរង់ចាំ ជាដំណោះស្រាយមួយដែលផ្តល់តុល្យភាព​ចាំបាច់​ត្រូវតែមាន ទោះបីជា វាចាប់យកចំហាយ បង្កកជាទឹក ហើយប្រើឡើងវិញនូវទឹកដែលរុក្ខជាតិបញ្ចេញក៏ដោយ​។

តើអ្នកអាចពន្យល់លម្អិតបន្ថែមទៀតទេ ថាតើ​បច្ចេកវិទ្យារបស់អ្នកអាចកាត់បន្ថយការប្រើប្រាស់ភ្លើង​អគ្គិសនី​ក្នុងការ​ដាំដំណាំបញ្ឈរ​ដោយរបៀបណា? យើងបានបង្កើតកម្មវិធីគ្រប់គ្រង​អគ្គិសនីដែលប្រែប្រួល​​​ទៅតាម​បន្ទះអគ្គិសនីតាមស្ថានភាព​ជាក់ស្តែងដែល​ធ្វើ​ឱ្យ​​វាដំណើរការទៅតា​ម​បម្រែបម្រួល​ខាងក្រៅ ដូចជា លំនឹង​​បន្ទះ​អគ្គិសនី និងការយកមក​ប្រើប្រាស់​អគ្គិសនីដែលមាន​។ នេះមានន័យថា គេ​​អាចទាញយក​អគ្គិសនីមកប្រើ នៅពេលដែលវាមានតម្លៃថោក ​ឬបិទវាវិញ នៅពេលដែលវាមានតម្លៃ​ថ្លៃជាង និងទៅតាមតម្រូវការ សំខាន់គឺ​​ វាមានតួនាទី ដូចអាគុយ​ធំមួយ ដែលអគ្គិសនី​​លើស ត្រូវបាន​ប្ដូរទៅជា​ផលិតផលសម្រាប់​ដាំដំណាំ។ ការប្រើប្រាស់ឧបករណ៍បញ្ជាដើរ​​ដោយ​​កម្មវិធីទំនើប​ ដើម្បីធ្វើឱ្យប្រព័ន្ធរបស់យើងដើរ​​ដោយស្វ័យប្រវត្តិនោះ​ អាចធ្វើ​ឱ្យអគ្គិសនី​ដើរ​ឡើងវិញដោយស្វ័យប្រវត្តិ នៅពេលដាច់អគ្គិសនី និងមាន​ន័យ​ថា ​កន្លែង និង​បន្ទះ​អគ្គិសនី​នីមួយៗ ទទួលបាន​អគ្គិសនី​តាមតម្រូវការ​។ ជាលទ្ធផល គ្មានប្រព័ន្ធ​ណាមួយ ដែល​ចាំបា់ច់ ត្រូវ​រៀបចំ បញ្ចូលកម្មវិធីឡើងវិញ ឬ​មនុស្ស​​ទៅប្តូរទីតាំង​របស់វាទេ។

ប្រព័ន្ធរបស់យើងមានការប្រើប្រាស់អគ្គិសនីគោល​​៦០​គីឡូវ៉ាត់ ដែលអាចតម្លើង​ភ្លាមៗ​ដល់​១០៥ គីឡូវ៉ាត់ ឬបន្ថយមកវិញ​ត្រឹម៣០គីឡូវ៉ាត់​ក្នុងរយៈពេលខ្លី ដើម្បីបង្កើនស្ថេរភាពនៃបន្ទះ​អគ្គិសនី។ ប្រព័ន្ធ​​ផ្សេងទៀត ពាក់​ព័ន្ធ​នឹង​អគ្គិសនី រួមមានប្រព័ន្ធ​បញ្ចេញ​កំដៅ និងភាពត្រជាក់ ប៉ុន្តែប្រព័ន្ធទាំងអស់របស់យើង រួមទាំងប្រព័ន្ធ​ស្រោចស្រព្វ​ផង មានប្រព័ន្ធដើរ​វិលបិទដើម្បីកាត់បន្ថយការប្រើប្រាស់​បរិមាណ​អគ្គិសនី​ឱ្យនៅតិច​បំផុត​។ អ្វីដែលយើងបង្កើតឡើង​គឺ កាត់បន្ថយតម្រូវការបញ្ចេញ​​​​ខ្យល់ធូលីប្រសិទ្ធផល​ខ្ពស់ ដើម្បីសម្អាតបរិមាណច្រើននៃខ្យល់ចូល ហើយប្រព័ន្ធ​កំដៅនិង/ឬ​ត្រជាក់នៃខ្យល់ នេះអាស្រ័យ​ទៅតាម​​ទីតាំងនិងរដូវ - ដែល​ទាំងអស់នេះគឺជាការបញ្ចេញ​អគ្គិសនី។ ជារួម​ប្រសិទ្ធផលទាំងនេះ ជួយ​រួមចំណែកដល់ការសន្សំ​អគ្គិសនី​បាន​៥០​%។

ជាមួយនឹង​ អំពូល LED ជាង ១០០០ អំពូល ក្នុងមួយថាស ឬទម្រ​ ពន្លឺបង្កើតបាន ច្រើនជាង ២ភាគ៣ នៃតម្រូវការអគ្គិសនីរបស់ប្រព័ន្ធ។ យើងបានប្តេជ្ញាចិត្ត អភិវឌ្ឍប្រព័ន្ធដែលមានប្រសិទ្ធភាពជាងមុន ដើម្បីជំរុញឱ្យមានអំពូល LED ដែលចំណុចនេះហើយ​ ការរចនាបង្កើតការផ្ដល់អគ្គិសនីបីដំណាក់កាល​ កើត​ជារូបរាងឡើង។ ប្រព័ន្ធនេះត្រូវបានប្រើជាទូទៅ ដើម្បីផ្ដល់អគ្គិសនីទៅម៉ាស៊ីនភ្លើង នៅក្នុងបរិយាកាស​​ឧស្សាហកម្ម ប៉ុន្តែដើរដោយការផ្ទេរភ្លើងទៅកម្រិតវ៉ុលដែលមានសុវត្ថិភាព ហើយបញ្ជូនវាទៅតាមថាស ឬទម្រ​នីមួយៗ នៅក្នុងកន្លែង​ដាំដំណាំបញ្ឈរ ដោយប្រើបំពង់អាលុយមីញ៉ូម ជាជាងប្រើខ្សែ។ ដោយប្រើបំពង់ជំនួសខ្សែ យើងអាចបង្កើនប្រសិទ្ធភាពនៃការបញ្ជូនភ្លើង។ បំពង់អាលុយមីញ៉ូម ក៏មានតម្លៃថោកច្រើនជាង និងបើប្រៀបធៀប វាស្រាលជាងខ្សែស្ពាន់។ តាមរយៈការប្រើប្រាស់អគ្គិសនីបីដំណាក់កាលតាមថ្នាក់ថាស​ ឬទម្រ​នីមួយៗ យើងក៏អាចកាត់បន្ថយការបាត់បង់អគ្គិសនីបន្ថែមទៀត និងផ្តល់តុល្យភាពក្នុងដំណាក់កាលជាប់លាប់។ ចំណុចនេះ នឹង​លុបបំបាត់នូវតម្រូវការ ប្រើប្រាស់ដែលមានតម្លៃខ្ពស់ និងគ្មានប្រសិទ្ធភាព និងការកែតម្រូវកត្តាអគ្គិសនី ក៏ដូចជាការប្រើប្រាស់ឧបករណ៍ភ្ជាប់ សម្រាប់ប្តូរចរន្តតែមួយដំណាក់កាល។ វិធានការណ៍ទាំងនេះ រួមចំណែកជួយដល់ការបង្កើនប្រសិទ្ធភាពកម្លាំងរុញ​ពី៥% ទៅ១០%។

វិធីសាស្រ្តរបស់អ្នកចំពោះបច្ចេកវិទ្យាយកតាម​​ស្ថានភាព​​ឧស្សាហកម្ម​ច្រើន - ហេតុអ្វីបាន​ជាដូច្នេះ?

ដំបូងឡើយ នៅពេល​ក្រុម​វិស្វករដែល​ជា​ស្ថាបនិកបានជួបជុំ​គ្នា​នៅ​ឯក្រុមហ៊ុន ដំណោះស្រាយ​ការដាំដំណាំវៃឆ្លាត​ ​កាលនោះ​យើង មានប្រវត្តិគ្រឺះរឹងមាំ ខាង​ប្រតិបត្តិការឧស្សាហកម្ម។ នេះពិតណាស់ ជាគុណប្រយោជន៍គួរឱ្យ​កត់សម្គាល់​ធ្វើ​ឱ្យ​យើង​​មើលឃើញខុសៗគ្នា​ទៅលើ​បរិស្ថាននៃការដាំដំណាំ​​បញ្ឈរ​។ នោះ​គឺជាវិធីសាស្រ្តស្ថានភាព​​ឧស្សាហកម្មរបស់យើង ដែល​ជាគន្លឹះនាំឱ្យ​មានរឿងនេះ។ យើង​ដាំដំណាំ​ ក្នុងរោងដែកធំៗ ដែលមានជញ្ជាំងបិទជិតដើម្បីផ្ដាច់​​​បរិស្ថាន​ខាងក្រៅ។ ឧទាហរណ៍ រោងដាំដំណាំ​​ស្តង់ដារ មានកំពស់​១០ម៉ែត្រ ដែលអាច​ឱ្យ​យើង​​​រៀប​បាន ២៦ថាស ឬទម្រ​ ​ក្នុងរោង​កម្ពស់​រហូតដល់៩ម៉ែត្រ ប៉ុន្តែយើង​ផ្តល់ជូន​នូវ​ជំរើស​ច្រើនថែមទៀត។ ពិតណាស់ បែបផែន​របស់​វាមានលក្ខណៈកាន់តែដូច​ផ្នែក​ឧស្សាហកម្ម​ច្រើនជាង ការរៀបចំការដាំដំណាំ​​បែបប្រពៃណី។ ការគ្រប់គ្រង​ថាស​ក្នុងបរិស្ថាន​បែបនេះ មិនតម្រូវឱ្យមានការចូលរួមពីមនុស្សទេ​។ ត្រង់ចំណុចនេះហើយ ដែល​យើងអាចសន្សំបាន៨០%​លើ​ផ្នែក​ពលកម្ម។

នៅក្នុងកន្លែងដាំដំណាំ​​នីមួយៗ យើងបានបង្កើតប្រព័ន្ធខ្យល់ចេញចូល​ និងប្រព័ន្ធ​ស្រោចស្រព្វ​វិលបិទជិត​ដោយឡែកពីគ្នា ដែលបន្សុទ្ធ និងប្រើប្រាស់ខ្យល់​និងទឹកឡើងវិញ​ដោយស្វ័យប្រវត្តិ ដូច្នេះ​អ្វីដែលប្រព័ន្ធត្រូវការទៀងទាត់​នោះ​​​គឺ អគ្គិសនី គ្រាប់ពូជ អាហារបំប៉ន កាបូនឌីអុកស៊ីត និងទឹកភ្លៀង​ដែលបានប្រមូល រក្សាទុក។ ខ្យល់ត្រូវបានបន្សុទ្ធដោយបច្ចេកវិទ្យាច្រោះកាំរស្មីយូវី - ស្រដៀងនឹងអ្វីដែលគេ​ប្រើនៅក្នុងបន្ទប់ស្អាត។ ឧបករណ៍កំដៅ​ និងឧបករណ៍ ធ្វើឱ្យ​ត្រជាក់​ ធ្វើឱ្យខ្យល់​​ត្រជាក់ និង​ស្ងួត ដែលបន្ទាប់មកត្រូវធ្វើ​ឱ្យក្ដៅ​តាមតម្រូវការ ហើយក៏ទាញយកប្រយោជន៍​កំដៅសល់ពីកន្លែង​ជាច្រើនក្នុង​កន្លែងដាំដំណាំនោះ​។ កាបូនឌីអុកស៊ីតអាចត្រូវបានបន្ថែមទៅក្នុងចរន្ទ​វិលនេះ នៅពេលចាំបាច់។ ការគ្រប់គ្រងយ៉ាង​​ប្រសើរនៅក្នុងផ្នែក​ទាំងអស់​របស់​ប្រព័ន្ធរបស់យើងពេលប្រៀបធៀបជាមួយបរិស្ថានធម្មតា និងផ្ទះកញ្ចក់ វា​ជួយ​ដល់ការកាត់បន្ថយការប្រើប្រាស់​អគ្គិសនី​ពី៤០ ទៅ៥០ភាគរយ​។

កត្តាសំខាន់ៗទាំងអស់ ដូចជា ពន្លឺ កំដៅ សំណើម ទឹក សារធាតុចិញ្ចឹម និងចលនាដំណាំ ត្រូវបានគ្រប់គ្រងដោយឧបករណ៍បញ្ជា​ដោយកម្មវិធី​ ដែលដំណើរ​ការ​​លើស្ថាបត្យកម្ម ដែលមិនត្រូវការ ការធ្វើបច្ចុប្បន្នភាពដែលគេ​មិនបានគិត​​ទុកជាមុននោះទេ។ ឧបករណ៍បញ្ជា​ដោយកម្មវិធី​ Omron SYSMAC ប្រើប្រតិកម្មត្រឡប់ពីឧបករណ៍ចាប់សញ្ញា ដែលដាក់គ្រប់កន្លែង​ក្នុង​កន្លែង​ដាំដំណាំ និងក្នុង​ប្រព័ន្ធ ដែលត្រូវបានផ្ទេរទៅប្រព័ន្ធគ្រប់គ្រង​ក្នុងពពក។ ប្រព័ន្ធនេះ យកចេញនូវ​តម្រូវការ​ប្រើ​កុំព្យូទ័រ និងប្រព័ន្ធត​​ខ្សែ។ វាធ្វើឱ្យប្រព័ន្ធទាំងមូលមានលក្ខណៈសាមញ្ញជាងមុន ក្នុងការបញ្ជា ថែទាំ ​និងគ្រប់គ្រង។

ដោយមានការគ្រប់គ្រងខ្ពស់លើប្រព័ន្ធ LED របស់អ្នកច្រើនជាងដៃគូប្រកួតប្រជែង (បើមិនទាំងអស់) តើហេតុអ្វីបានជាអ្នកផ្តោតការច្នៃប្រឌិតរបស់អ្នកលើផ្នែកនេះ? តើវានាំមកនូវផលប្រយោជន៍អ្វីខ្លះ?

ការរៀបចំ​ពន្លឺ ត្រូវបានចាត់​ទុក​​ជា​ផ្នែក​យ៉ាង​សំខាន់មួយ នៅពេលយើងកំពុងអភិវឌ្ឍប្រព័ន្ធរបស់យើង ព្រោះថា នេះជាផ្នែក​​ដែលស៊ីភ្លើង​ច្រើនបំផុត។ ជាពិសេស យើងបានផ្តោតលើអាំងតង់ស៊ីតេពន្លឺ និងការបន្ថយពន្លឺ​ ដូច្នេះយើងអាចគ្រប់គ្រងពណ៌នីមួយៗនៅក្នុងវិសាលភាពរបស់វា​។ អំពូល LED របស់យើងត្រូវបានបំពាក់ជាចង្កោម ដែលក្នុង​ចង្កោមនីមួយៗមានផ្ទុកអំពូល LED គ្រប់ប្រភេទ។ ប្រព័ន្ធរបស់យើងអាច​ធ្វើ​ឱ្យ​វិសាលភាព ឬការកាត់បន្ថយ​កម្លាំង​អគ្គិសនី និងអាំងតង់ស៊ីតេ​ប្រែប្រួល​ ដើម្បីបង្កើតឱ្យ​មាន​​កាំរស្មីព្រះអាទិត្យ។ យើងជឿជាក់ថា នេះគឺជាលក្ខណៈពិសេសមួយនៃប្រព័ន្ធរបស់យើង។​

រលកពន្លឺនីមួយៗអាចនឹង​ត្រូវបើក ឬបិទ ឬធ្វើឱ្យថយចុះ ​តាមរយៈការកាត់បន្ថយ​កម្លាំង​អគ្គិសនី ភាពថយចុះនៃពន្លឺលីនេអ៊ែរ ឬតាមរយៈ​ទាំងពីរ​រួមគ្នា។ ទោះយ៉ាងណាក៏ដោយ យើងកំពុងតែស្ថិតក្នុងដំណាក់កាលដំបូងនៃការស្វែងយល់​ថា តើ​ការប្រើពន្លឺចម្រុះ សម្រាប់ដំណាំ​ និងដំណាក់កាលនីមួយៗ​នៃការលូតលាស់អាចប្រែប្រួល​​តាម​លំដាប់​នៃដំណាំផ្សេងៗ​គ្នា យ៉ាងដូចម្ដេច​។ ចំណុចនេះហើយ​​ដែលយើងប្រើ បញ្ញានិម្មិត​ (AI) ដើម្បីវាស់វែង និងស្វែងយល់អំពីវឌ្ឍនភាពរបស់ដំណាំដើម្បីលើកកម្ពស់ការរៀនសូត្ររបស់យើងក្នុងវិស័យនេះ។ យើងកំពុងសង្កេតគួរឱ្យចាប់អារម្មណ៍ខ្លះហើយ លើ​​ដំណាំ​ទូទៅ​ជាច្រើន ព្រម​ទាំង​កំពុងបង្ហាញ​នូវ​ការកែលម្អទិន្នផល ដែលកើនឡើង​រហូតដល់ ២​ទៅ​៣ដង។

ប្រព័ន្ធរបស់យើងក៏អាច​ធ្វើ​ឱ្យ​អាំងតង់ស៊ីតេ ប្រែប្រួល​ តាមរយៈការថយចុះ​ពន្លឺលីនេអ៊ែរ ឬការកាត់បន្ថយ​កម្លាំង​អគ្គិសនី។ យើងអាច​ធ្វើ​ឱ្យ ការកាត់បន្ថយ​កម្លាំង​អគ្គិសនី​ប្រែប្រួល​យ៉ាងជាក់លាក់​ ក្នុងកំណើន​ ០.០១% លើរលកទាំងអស់ ព្រមគ្នា និងរក្សាប្រសិទ្ធភាពអគ្គិសនី ៩០% ពី​បន្ទះ​​អគ្គិសនីទៅ​អំពូល​ LED ដែលនេះមានន័យថា យើងពិតជាអាចវាយតម្លៃបាននូវ​ការ​ប្រើប្រាស់​​ពន្លឺ​មានឥទ្ធិពល​លើ​ដំណាំលូតលាស់​ល្អ​យ៉ាង​ណា។

តើ បញ្ញានិម្មិត ​និងការប្រមូលផ្តុំទិន្នន័យ មានសារសំខាន់ប៉ុណ្ណា នាពេលអនាគត​ក្នុង​ការដាំដំណាំ​បញ្ឈរ?

វានឹងក្លាយជាកត្តាយ៉ាង​សំខាន់ណាស់ គឺ​ជាអ្នកផ្លាស់ប្តូរល្បែង​យ៉ាង​ពិតប្រាកដ។ វាអនុញ្ញាតឱ្យមានការគ្រប់គ្រង ត្រួតពិនិត្យ ការប៉ាន់ស្មាន​ទុកមុន និងសមត្ថភាពក្នុងការធានានូវគុណភាព និរន្តរភាព និងលទ្ធផលនៃផលិតផលក្នុងពេល​តែមួយ។ យើងបាន​​បញ្ចូល​ប្រព័ន្ធបញ្ញានិម្មិត និងសមត្ថភាពប្រមូលទិន្នន័យ នៅក្នុងប្រព័ន្ធទាំងអស់របស់យើង ហើយធ្វើឱ្យការគ្រប់គ្រងប្រចាំថ្ងៃ កាន់តែងាយស្រួល​គួរចាប់អារម្មណ៍។ វាក៏ធ្វើ​​ឱ្យមានគំរូ​​​ជាប្រវត្តិសាស្ត្រដែលត្រូវកត់ត្រា​តាមដាន​ ដែលអាចធ្វើ​ឱ្យយើងព្យាករណ៍វិធីសាស្រ្តដាំដុះ​នាពេល​អនាគត និងផ្តល់ទិន្នន័យយ៉ាងល្អសម្រាប់លទ្ធផលដាំដុះ​​ល្អបំផុត​ជូន​អតិថិជនរបស់យើង នៅពេលអនាគត។

Wednesday, November 13, 2019

កម្មវិធីបណ្តុះបណ្តាលសិស្សហាត់ការកសិកម្ម

នៅសហរដ្ឋអាមេរិក ទោះបីជា គេ​ជាប្រទេស​ជឿនលឿនក៏ដោយ​ ក៏រដ្ឋាភិបាលអាមេរិក គេ​នៅ​តែ​គិត​គូរ​លើវិស័យកសិកម្ម​ខ្លាំងណាស់ ជាពិសេស ការបណ្ដុះ​បណ្ដាល​ពលរដ្ឋ​ឱ្យចេះ​ប្រកបរបរកសិកម្ម ជា​ចំណេះ​ ជំនាញ​អាជីព​។ ​ខាងក្រោមនេះ ជាអត្ថបទ​ពាក់ព័ន្ធ​ការបណ្ដុះបណ្ដាល​ចំណេះ និងជំនាញ​កសិកម្ម នៅសហរដ្ឋ​អាមេរិក។ 

កសិករដែលមានសេចក្តីប្រាថ្នាចង់ចេះ អាចរៀនធ្វើកសិកម្មយ៉ាងជាក់លាក់នៅក្នុងកម្មវិធីហាត់ការថ្មីនៅកសិដ្ឋាន ដែលនឹងចាប់ផ្តើមពី ខែមករា ឆ្នាំ២០២០។

ឥឡូវនេះ ផ្នែកប្រព័ន្ធកសិកម្មនៃសាកលវិទ្យាល័យអាកាន់សាស (Arkansas) ចាប់ផ្ដើមទទួលពាក្យសុំ ចូលរៀន ដែលមានគោលបំណងផ្ដោតលើបុគ្គលដែលកំពុងពិចារណាលើការធ្វើកសិកម្មជាមុខរបរអាជីព។ ហេឌើ ហ្វ្រេដដ្រីច (Heather Friedrich) ប្រធានចាត់ចែងកម្មវិធី នៅនាយកដ្ឋានកសិកម្ម មានប្រសាសន៍ថា កម្មវិធីកសិករហាត់ការនៅកសិដ្ឋាន ដែលគ្រប់គ្រងដោយមជ្ឈមណ្ឌលដើម្បី សហគ្រិនប្រព័ន្ធកសិកម្ម និងស្បៀងអាហារ នឹងបង្រៀនសិស្សកសិករឱ្យចេះមើលដំណើរជីវិតនៅកសិដ្ឋានដោយខ្លួនឯង។

មជ្ឈមណ្ឌលសហគ្រិនភាពនៃប្រព័ន្ធកសិកម្ម និងស្បៀងអាហារ (CFFSE) គឺជាដៃគូពហុជំនាញ ដែលប្រតិបត្តិការតាមរយៈសាខាស្រាវជ្រាវរបស់នាយកដ្ឋាន ដែលជាស្ថានីយ៍ពិសោធន៍កសិកម្ម អាកាន់ សាស។ ហ្វ្រេដ្រីច មានប្រសាសន៍ថា កម្មវិធីហ្វឹកហ្វឺនសម្រាប់កសិកររៀនអនុវត្តជាក់ស្ដែងនេះ គឺជាគន្លឹះនៃបេសកកម្មរបស់មជ្ឈមណ្ឌលសហគ្រិនភាពនៃប្រព័ន្ធកសិកម្ម និងស្បៀងអាហារ ដើម្បីពង្រឹងប្រព័ន្ធស្បៀងអាហារ និងកសិកម្ម តាមរយៈឱកាសរៀនធ្វើដោយផ្ទាល់។

កម្មវិធីនេះផ្គូរផ្គងសិស្សកសិករ ឱ្យរៀនជាមួយគ្រូកសិកម្មពេញម៉ោងដែលធ្លាប់ទទួលបានជោគសម្រាប់កម្មវិធីដែលមានរយៈពេល១០ខែ ទៅ២ឆ្នាំ។ ហ្វ្រេដ្រីច (Friedrich) បញ្ជាក់ថា កម្មវិធីនេះ ផ្សារភ្ជាប់ការរៀនទ្រឹស្ដីក្នុងថ្នាក់ នឹងការអនុវត្តផ្ទាល់ នៅកសិដ្ឋានដែលធ្លាប់ធ្វើបានជោគជ័យរួចមកហើយ។ ហ្វ្រេដរិចបាននិយាយថា កម្មវិធីហាត់ការងារកសិកម្មនេះ ត្រូវបានរៀបចំឡើងសម្រាប់សិស្សកសិករដែលមានបទពិសោធន៍ខ្លះៗក្នុងការដាំដំណាំស្បៀងអាហារ ប៉ុន្តែត្រូវការការបណ្តុះបណ្តាលបន្ថែម មុនពេលចាប់ផ្តើមធ្វើអាជីវកម្មកសិកម្មដោយខ្លួនឯង។

Friedrich មានប្រសាសន៍ថា “យើងកំពុងស្វែងរកអ្នកដែលកំពុងពិចារណាអំពីការងារផលិតកម្មស្បៀងអាហារ សម្រាប់ទីផ្សារក្នុងស្រុក និងក្នុងតំបន់ ជាអាជីព”។ “ពិតណាស់ហើយ អ្នកដែលចូលរៀនក្នុងកម្មវិធីនេះ នឹងទទួលបានបទពិសោធមួយចំនួនពាក់ព័ន្ធផលិតកម្មស្បៀងអាហារ មិនថា ពីកសិដ្ឋាន ឬពីការធ្វើសួនដំណាំ ឬពីការរៀន ជាដើម”។

អ្នកចូលរួមវគ្គនេះ នឹងចាប់ផ្តើមរៀនតាមកម្មវិធីដែលរៀបចំបង្រៀនផ្ទាល់ក្នុងថ្នាក់រៀន ជាមេរៀនដែលបង្កើតនូវមូលដ្ឋានគ្រឹះនៃចំណេះ និងជំនាញកសិកម្ម។ ហ្វ្រេដ្រីច និយាយថា យោងតាមគោលដៅ និងព័ត៌មានដែលយើងប្រមូលបាន ក្នុងអំឡុងពេលដាក់ពាក្យសុំនោះ បេក្ខជនដែលបានដាក់ពាក្យសុំរៀនហាត់ការ នឹងត្រូវបានផ្គូរផ្គងឱ្យរៀនជាមួយគ្រូបង្ហាត់ដែលអាចជាគ្រូកសិកម្មម្នាក់ ឬច្រើននាក់ ដើម្បីសម្ភាសន៍ពេលដំបូង។ មុននឹងឈានដល់ការព្រមព្រៀងគ្នាចុងក្រោយ គ្រូបង្រៀនកសិកម្ម និងកូនសិស្សហាត់ការ អាចជ្រើសរើសយកថ្ងៃរៀននៅកសិដ្ឋានដើម្បីសាកល្បងទំនាក់ទំនងការរៀន និងបង្រៀនរបស់សិស្ស និងគ្រូ។

ហ្វ្រេដ្រីច បាននិយាយថា “រឿងមួយដែលល្អបំផុតអំពីកម្មវិធីនេះគឺ ឱកាសបង្រៀនផ្ទាល់“។ គាត់បញ្ជាក់ថា "សិស្សហាត់ការត្រូវរៀនផ្ទាល់ជាមួយគ្រូកសិកម្ម ដែលមានបទពិសោធន៍រហូតដល់ ២ឆ្នាំ។ នោះគឺជាឱកាសល្អខ្លាំងណាស់ ក្នុងការកសាងទំនាក់ទំនងរឹងមាំ ជាមួយកសិករគ្រូ និងអាចបន្តរាប់សិបឆ្នាំទៅទៀត”។

ហ្វ្រេដ្រីចថា បទពិសោធន៍ជាក់ស្ដែងនៅកសិដ្ឋាននីមួយៗខុសគ្នា ដូច្នេះសិស្សហាត់ការគប្បីត្រូវរំពឹងថា នឹងត្រូវរៀនយ៉ាងជិតស្និទ្ធជាមួយគ្រូ ដែលជាម្ចាស់កសិដ្ឋាន ដើម្បីកំណត់អំពីព័ត៌មានលម្អិតពិតប្រាកដសម្រាប់រៀន។ ព័ត៌មានលម្អិតអាចមានដូចជា ការរៀបចំការស្នាក់នៅ ម៉ោងដែលរំពឹងថាត្រូវរៀន និងការទូទាត់ប្រាក់។ ការប្រកាសអំពីកសិដ្ឋាន ជាធម្មតានឹងចាប់ផ្តើមនៅចុងរដូវរងា ប៉ុន្តែកាលបរិច្ឆេទពិតប្រាកដនឹងអាស្រ័យលើតម្រូវការរបស់គ្រូម្នាក់ៗ។

Melissa Millsap ម្ចាស់កសិដ្ឋាន Red Barn នៅ Bentonville នៃរដ្ឋអាកាន់សាស កំពុងផ្ដល់សេវាបម្រើ ជាកន្លែងបង្ហាត់ជាក់ស្ដែង សម្រាប់ថ្នាក់រៀនហាត់ការខាងមុខនេះ។ Millsap បាននិយាយថា “ជាកសិករម្នាក់ ខ្ញុំដឹងថា យើងត្រូវការមានកសិដ្ឋានច្រើនទៀត។ ខ្ញុំក៏ដឹងដែរថា វាពិតជាលំបាកណាស់ក្នុងការទទួលបានបទពិសោធន៍ជាក់ស្តែងក្នុងលោក ក្នុងការកាន់កាប់ និងដំណើរការប្រតិបត្តិការធ្វើកសិដ្ឋាន តាមរយៈថ្នាក់រៀន”។ ខ្ញុំចង់ ឲ្យកសិករដែលមានចំណង់ចំណូលចិត្តធ្វើកសិកម្ម មានឱកាសដឹងច្បាស់អំពីអ្វីដែលពួកគាត់កំពុងសម្លឹងមើលការរស់នៅធ្វើកសិកម្ម ជាអាជីពមួយ"។

ហ្វ្រេដ្រីច បាននិយាយថា “បេះដូងនៃកម្មវិធីនេះគឺការរៀនធ្វើជាក់ស្ដែង ដែលត្រូវរៀននៅកសិដ្ឋានផ្ទាល់”។ លោកស្រីបាននិយាយថា សិស្សរៀនហាត់ការ អាចរៀនច្រើនម៉ោងជាង ក្នុងម៉ោងធ្វើការមិនប្រក្រតីជាធម្មតា និងត្រូវចូលរួមរៀនគ្រប់ម៉ោងក្នុងថ្នាក់ និងចូលរួមចំណែកក្នុងការសរសេរប្លក់ ប្រចាំសប្តាហ៍។ ហ្វ្រេដ្រីច មានប្រសាសន៍ថា “សិស្សហាត់ការ នឹងត្រូវប្រើកម្លាំងកាយច្រើន ប៉ុន្តែក៏គប្បីត្រូវសួរសំណួរ សង្កេតការណ៍ ចូលរួមយ៉ាងសកម្មក្នុងការស្វែងយល់អំពីប្រព័ន្ធកសិកម្ម ដែលសិស្សហាត់ការចូលទៅរៀន ព្រោះថា ថ្ងៃណាមួយ គេនឹងក្លាយជាម្ចាស់កសិដ្ឋានដោយខ្លួនឯង”។
ពាក្យសុំត្រូវផុតកំណត់ នៅថ្ងៃទី១៥ ខែធ្នូ ឆ្នាំ ២០១៩។ ប្រសិនបើ ពាក្យសុំនោះត្រូវបានទទួល ពេលនោះ បេក្ខជនត្រូវបង់ប្រាក់ ២៨៥ដុល្លារ ក្នុងមួយឆ្នាំ សម្រាប់កម្មវិធីអប់រំ និងរដ្ឋបាល។

Tuesday, November 12, 2019

កំហុសធំៗ២​ដ៏គ្រោះថ្នាក់ ដែលខ្មែរ​ត្រូវកែ (ភាគ១-២)

ដាសស្មារតីកូនខ្មែរ​ឱ្យ​ចេះកែកំហុស ប្រុងប្រយ័ត្ន និង​​ការពារ​ខ្លួន ក៏ដូចជា​ការ​ការពារ​ជាតិខ្មែរ​ដែរ។

ភាគ១



 ភាគ២

Search

Shared News