ព័ត៌មានថ្មីៗ 12:08:14, 24 August 2009
អំបាញ់មិញនេះ ជាប្រសាសន៍ បណ្ឌិតជា ណេង អតីតមន្រ្តីនៃនាយកដ្ឋាន ផលិតកម្មនិងបសុព្យាបាលនៃក្រសួងកសិកម្ម រុក្ខាប្រមាញ់ និងនេសាទ កម្ពុជា។ លោកអ្នកនឹងបានស្តាប់ប្រសាសន៍របស់លោកថែមទៀតនៅពេលបន្តិចទៀតនេះ។
ការចិញ្ចឹមជ្រូកជាលក្ខណៈគ្រួសារជាទម្លាប់ប្រពៃណីមានជាយូរយារណាស់មកហើយរបស់ប្រជាកសិករនៅព្រះរាជាណាចក្រកម្ពុជា។ បច្ចុប្បន្ននេះ ការចិញ្ចឹមជ្រូកមានការរីកម្រើននៅគ្រប់ទីកន្លែងនៅទូទាំងព្រះរាជាណាចក្រនេះតាំងពីទីជនបទរហូតដល់ទីក្រុង។
លោកអ្នកនាងជាទីមេត្រី ដើម្បីជួយលើកកម្ពស់ការយល់ដឹងអំពីបច្ចេកទេសចិញ្ចឹមមេជ្រូកយកកូននេះ នាទីអភិវឌ្ឍន៍ជនបទនិងបរិស្ថាននៃវិទ្យុអូស្រ្តាលីនេះមានក្តីរីករាយ សូមជម្រាបជូនអំពីវិធីសាស្រ្តសំខាន់ៗមួយចំនួនក្នុងការចិញ្ចឹមមេជ្រួកយកកូន ដើម្បីបានទទួលលទ្ធផលគួរជាទីពេញចិត្ត។ ចាស តើវិធីសាស្រ្តសំខាន់ៗទាំងនោះមានអ្វីខ្លះ?
លោក សូ លឹមសេង នូវសេចក្តីពិស្តារ តាមរយៈការបកស្រាយពន្យល់របស់លោក បណ្ឌិតជាណេង អតីតមន្រ្តីនៃនាយកដ្ឋាន ផលិតកម្ម និងសបុព្យាបាល នៃក្រសួងកសិកម្ម រុក្ខាប្រមាញ់ និងនេសាទកម្ពុជា។
កសិករខ្មែរមួយចំនួន ចិញ្ចឹមជ្រូកយកសាច់លក់ និងមួយចំនួនទៀតចិញ្ចឹមមេជ្រូកយកកូន។ ទោះជាដូច្នេះក្តី ការចិញ្ចឹមមេជ្រួកយកកូន តែងតែពើបប្រទះនឹងបញ្ហាផ្សេងៗដូចជាកូនជ្រូក កើតមកហើយងាប់ទៅវិញបន្ទាប់ពីកើតបានរយៈពេល៣ឬ៤ថ្ងៃ។
លោកបណ្ឌិតជា ណេង មានប្រសាសន៍ថា អត្រាងាប់របស់កូនជ្រូក មានកម្រឹតខ្ពស់ ក្នុងអំឡុងពេលកូនជ្រូកកំពុងបៅដោះ ដែលជាទួទៅបណ្តាលមកពីជំងឺរលាកសួត រាគរូស ឬក៏បណ្តាមកពីមេដេកសង្កត់។ ប៉ុន្តែលោកថ្លែងថាដើម្បីការពារកុំឲ្យកូនជ្រូកងាប់ក្នុងអត្រាដ៏ច្រើន និងមានសុខភាពល្អ អ្នកចិញ្ចឹមជ្រូកត្រូវអនុវត្តឲ្យបានល្អប្រសើរទាំងឡាយមានតាំងពីការជ្រើសរើសពូជ បច្ចេកទេសក្នុងការចិញ្ចឹម ការផ្តល់ចំណីអាហារ រហូតដល់ការថែទាំ ការពារនិងព្យាបាលចាក់ថ្នាំការពារជំងឺផ្សេងៗ។
សំឡេង លោកជាណេង៖
លោកថា ចំពោះកូនជ្រូកវិញ យើងក៏ត្រូវមានកម្មវិធីចាក់ថ្នាំការពារជំងឺដែរ ដើម្បីការពារជំងឺមួយចំនួនដែលតែងតែរាតត្បាតទៅលើកូនជ្រូក។
សំឡេងលោក ជា ណេង៖
លោកបណ្ឌិតជាណេង បន្តទៀតថា ធម្មតា កូនជ្រូកកើតមកបាន២ឬ៣ថ្ងៃ មិនទាន់ចេះស៊ីចំណីអាហារទេហើយថាការបំប៉នចំណីឲ្យដល់កូនជ្រូក ត្រូវធ្វើឡើងតាមរយៈទឹកដោះមេវា។
លោកថា ដើម្បីឲ្យមេជ្រូកមានទឹកដោះគ្រប់គ្រាន់ សម្រាប់ចិញ្ចឹមកូន អ្នកចិញ្ចឹមជ្រូកត្រូវផ្តល់ចំណីអាហារពិសេសឲ្យមេជ្រូកឲ្យបានគ្រាប់គ្រាន់ និងមានរស់ជាតិផង។
សំឡេង លោក ជា ណេង៖
លោកជា ណេង មានប្រសាសន៍បន្តទៀតថា ប្រការមួយទៀត ដែលបងប្អូនកសិករអ្នកចិញ្ចឹមមេជ្រូកយកកូនត្រូវគិតគូផងដែរនោះ គឺទ្រុងសម្រាប់កូន និងមេជ្រូករស់នៅ។
លោកថា ទ្រុងចិញ្ចឹមកូនជ្រូក ត្រូវមានអនាម័យ និងកំដៅគ្រប់គ្រាន់សម្រាប់កូនជ្រូកទើបនឹងកើត។
សំឡេងលោកជា ណេង៖
បាទសូមអរគុណ។ លោកអ្នកទើបបានស្តាប់ប្រសាសន៍បណ្ឌិតជា ណេង អតីតមន្រ្តីនៃនាយកដ្ឋាន ផលិតកម្មនិងបសុព្យាបាល នៃក្រសួងកសិកម្ម រុក្ខាប្រមាញ់ និងនេសាទកម្ពុជា។ ខ្ញុំបាទ សូ លឹមសេង សង្ឃឹមថាការបកស្រាយពន្យល់របស់លោកបណ្ឌិតជា ណេង អំពីវិធីសាស្រ្តចិញ្ចឹមមេជ្រូកយកកូនដែលលោកអ្នកទើបបានស្តាប់អំបាញ់មិញនេះពិតជាមានសារប្រយោជន៍ និងជាជំនួយខ្លះៗ ជាមិនខានឡើយ សម្រាប់លោកអ្នកលោកអ្នកដែលបាននឹងកំពុងចិញ្ចឹមមេជ្រូកយកកូន និងមានបំណងចង់ចិញ្ចឹមមេជ្រូកនេះ៕
រយៈពេល៖
វាគ្មិន៖ បណ្ឌិតជា ណេង អតីតមន្រ្តីនៃនាយកដ្ឋាន ផលិតកម្ម និងបសុព្យាបាល នៃ
ក្រសួងកសិកម្ម រុក្ខាប្រមាញ់ និងនេសាទ កម្ពុជា។
អ្នកផលិត៖ សូ លឹមសេង
No comments:
Post a Comment