Agriculture Cambodia: សិទ្ធិមនុស្ស

Showing posts with label សិទ្ធិមនុស្ស. Show all posts

Friday, February 5, 2010

អាជ្ញាធរជាតិប្រយុទ្ធប្រឆាំងគ្រឿងញៀនបដិសេធរបាយការណ៍HRW

អាជ្ញាធរជាតិប្រយុទ្ធប្រឆាំងគ្រឿងញៀនបដិសេធរបាយការណ៍HRW: "អាជ្ញាធរជាតិប្រយុទ្ធប្រឆាំងគ្រឿងញៀនបានប្រតិកម្មចំពោះរបាយការណ៍របស់អង្គការ Human Rights Watch ដោយបានបន្ទោសថាជាការបំភ្លៃការពិត។"

Thursday, January 21, 2010

HRW៖ ការគោរពសិទ្ធិមនុស្សនៅកម្ពុជាកំពុងធ្លាក់ចុះ

HRW៖ ការគោរពសិទ្ធិមនុស្សនៅកម្ពុជាកំពុងធ្លាក់ចុះ: "អង្គការសិទ្ធិមនុស្ស Human Rights Watch ដែលមានបេសកកម្មឃ្លាំមើលការរីកចម្រើនសិទ្ធិមនុស្សនៅក្នុងបណ្តាប្រទេសនានាបានវាយតម្លៃថា ការគោរពសិទ្ធិមនុស្សនៅកម្ពុជាកំពុងមានដំណើរថយក្រោយ។"

Friday, December 11, 2009

ពលរដ្ឋនៅកោះកុងប្រារព្ធទិវាសិទ្ធិមនុស្សដើម្បីរំឭកពីការបាត់បង់ដីធ្លី

ពលរដ្ឋនៅកោះកុងប្រារព្ធទិវាសិទ្ធិមនុស្សដើម្បីរំឭកពីការបាត់បង់ដីធ្លី: "ប្រជាពលរដ្ឋជាង១០០នាក់ បានប្រារព្ធខួបលើកទី៦១ នៃទិវាសិទ្ធិមនុស្សអន្តរជាតិ ១០ ធ្នូ នៅក្នុងភូមិមួយ ឃុំជីខក្រោម ខេត្តកោះកុង ដើម្បីរំឭកអំពីការបាត់បង់ដីធ្លីកសិកម្មថ្មីៗនេះ ដោយសារមានការរំលោភយកពីឈ្មួញ។"

សាទរទិវាសិទ្ធិមនុស្ស១០ធ្នូ ដោយការហែក្បួន និងថ្លែងពីការរំលោភសិទ្ធិ

សាទរទិវាសិទ្ធិមនុស្ស១០ធ្នូ ដោយការហែក្បួន និងថ្លែងពីការរំលោភសិទ្ធិ: "

លោកគ្រស្តូហ្វ, ប៉េស៊ូ, លោកធន សារាយ និងលោកគល់ បញ្ញា ចូលរូមដឹកនាំហែក្បួនសិទ្ធិមនុស្ស ក្នុងទិវាសិទ្ធិមនុស្សអន្តរជាតិ ១០ ធ្នូ ២០០៩ភ្នំពេញ៖ ឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា តំណាងសហភាពអឺរ៉ុបអគ្គរដ្ឋទូត រួមនឹងក្រុមអង្គការសិទ្ធិមនុស្សជាតិ និងអន្តរជាតិបានដើរក្បួន និងជួបជុំប្រារព្ធទិវាសិទ្ធិមនុស្សអន្តរជាតិថ្ងៃ១០ធ្នូ ខួបលើកទី៦១ កាលពីព្រឹកថ្ងៃព្រហស្បតិ៍ម្សិលមិញ។

អានត
"

Thursday, December 10, 2009

មនុស្សប្រមាណ៥ពាន់នាក់ចូលរួមប្រារព្ធទិវាសិទ្ធិមនុស្សអន្តរជាតិ

មនុស្សប្រមាណ៥ពាន់នាក់ចូលរួមប្រារព្ធទិវាសិទ្ធិមនុស្សអន្តរជាតិ: "យ៉ាងហោចណាស់មានមនុស្សប្រហែល៥ពាន់នាក់ បានចូលរួមប្រារព្ធទិវាសិទ្ធិមនុស្សនៅរាជធានីភ្នំពេញ នៅថ្ងៃ១០ ធ្នូ ដែលធ្វើឡើងពេញមួយថ្ងៃនៃថ្ងៃព្រហស្បតិ៍នេះ។"

មន្រ្តីសិទ្ធិមនុស្សស្នើឲ្យអាជ្ញាធរបញ្ចប់ជម្លោះដីនៅឧត្ដរមានជ័យ

មន្រ្តីសិទ្ធិមនុស្សស្នើឲ្យអាជ្ញាធរបញ្ចប់ជម្លោះដីនៅឧត្ដរមានជ័យ: "សកម្មជនអង្គការសិទ្ធិមនុស្សក្រៅរដ្ឋាភិបាលបាននិយាយថា គេបានជួបជាមួយអាជ្ញាធរខេត្តឧត្តរមានជ័យ បំណងធ្វើការសម្របសម្រួលជាមួយមន្ត្រីខេត្តនេះ ដើម្បីឲ្យរៀបចំដីធ្លីថ្មីមួយចំនួនដូចធ្លាប់បានសន្យា ទៅឲ្យក្រុមប្រជាពលរដ្ឋនៅភូមិអូរបាត់មាន់ ក្នុងសង្កាត់កូនក្រៀល ក្រុងសំរោង ដែលទទួលរងការបណ្តេញចេញកាលពីពេលថ្មីៗនោះ។"

Wednesday, December 9, 2009

សេចក្ដីប្រកាសព័ត៌មានស្ដីពី "ទិវាសិទ្ធិមនុស្សអន្តរជាតិ ១០ ធ្នូ ២០០៩" នៅកម្ពុជា

ទិវាសិទ្ធិមនុស្សអន្តរជាតិ ១០ ឆ្នូ២០០៩

សេចក្ដីប្រកាសព័ត៌មាន

"យើងត្រូវការសិទ្ធិសេរីភាពក្នុងការបញ្ចេញមតិ និងយុត្តិធម៌សម្រាប់ទាំអស់គ្នា"

ប្រជាពលរដ្ឋខ្មែរប្រមាណជាងមួយម៉ីននាក់មកពីសហគមន៍នានានៅទូទាំងប្រទេសកម្ពុជា រួមទាំងសហជីព និស្សិត កសិករ ប្រជានេសាទ តន្ត្រីករ យុវជន អ្នករត់ម៉ូតូឌុប អ្នករត់រ៉ឺម៉កកង់បី និងបុគ្គលិកអង្គការមិនមែនរដ្ឋាភិបាល នឹងប្រារព្វទិវាសិទ្ធិមនុស្សអន្តរជាតិ នៅក្នុងសហគមន៍របស់ពួកគាត់។

ការប្រារពទិវានេះនឹងប្រព្រឹត្តទៅក្រោមពាក្យស្លោកថា "យើងត្រូវការសិទ្ធិសេរីភាពក្នុងការបញ្ចេញមតិ និងយុត្តិធម៌សម្រាប់ទាំអស់គ្នា" និងមាននិមិត្តសញ្ញារួមមួយគឺ "ក្រមាពណ៌ខៀវ" ដែលជាតំណាងតួនាទីយ៉ាងសំខាន់របស់អ្នកការពារសិទ្ធិមនុស្សនៅក្នុងប្រទេសកម្ពុជា។

ការផ្ដួចផ្ដើមគំនិតរបស់សហគមន៍នេះមិនមែនត្រឹមតែបង្ហាញនូវសមិទ្ធិផលទាំងឡាយដែលសម្រេចបានក្នុងវិស័យសិទ្ធិមនុស្សនៅប្រទេសកម្ពុជាប៉ុណ្ណោះទេ ប៉ុន្តែក៏ផ្ដោតលើបញ្ហាសំខាន់ៗមួយចំនួនទៀតដែរ ដែលប្រជាពលរដ្ឋកម្ពុជានៅតែប្រឈមមុខនៅឡើយ ដូចជាការកេងប្រវ័ញ្ចលើដីធ្លី ធនធានធម្មជាតិ ការរឹតបន្តឹងលើសេរីភាពនៃការបញ្ចេញមតិ ការជួបជុំ និងការប្រមូលផ្ដុំ ព្រមទាំងការរំលោភបំពានទៅលើសិទ្ធិការងារ។

ទិវាសិទ្ធិមនុស្សអន្តរជាតិត្រូវបានប្រារព្វធ្វើឡើងជារៀងរាល់ឆ្នាំនៅថ្ងៃទី១០ ខែធ្នូ ដើម្បីជាការរំឭកនូវការតស៊ូពុះពារក្នុងការប្រឆាំងនឹងការរំលោភសិទ្ធិមនុស្សដែលបន្តប៉ះពាល់ដល់សង្គម និងសហគមន៍ស្ទើរតែគ្រប់ប្រទេស។

ទិវាសិទ្ធិមនុស្សអន្តរជាតិគឺជាការលើកឡើងឲ្យបានជ្រួតជ្រាប និងធ្វើជាសក្ខីភាពចំពោះការរំលោភសិទ្ធិមនុស្ស ព្រមទាំងក្រោកឈរដើម្បីអំពាវនាវរកចលនា សកម្មភាព។ ពិធីប្រារព្វទិវាសិទ្ធិមនុស្សអន្តរជាតិ ក៏នឹងរំលឹកបន្ថែមទៀតអំពីឱកាសនៃអង្គការសង្គមស៊ីវិល រដ្ឋាភិបាល អង្គការអន្តរជាតិ និងប្រជាពលរដ្ឋគ្រប់ស្រទាប់ ដែលបានជ្រើសរើសយកការខិតខំប្រឹងប្រែងយ៉ាងសំខាន់ក្នុងកិច្ចធានាទទួលស្គាល់ និងការប្រតិបត្តិតាមគោលការណ៍សិទ្ធិមនុស្សជាមូលដ្ឋាន។

គំរូនៃការប្រារព្វ និងសកម្មភាពមួយចំនួននៅថ្ងៃទី១០ ធ្នូ

អ្នករត់ម៉ូតូឌុប និងអ្នករត់រ៉ឺម៉កកង់បី ប្រមាណជាង២០០នាក់ នឹងរៀបចំសន្និសីទសារព័ត៌មាន និងបង្ហោះប៉េងប៉ោងនៅក្នុងភូមិទ្រាំង ខេត្តសៀមរៀប។
ប្រជាពលរដ្ឋប្រមាណ៩០០នាក់ នឹងជួបជុំគ្នានៅវត្តអារាមមួយនៅក្នុងស្រុកជីក្រែង ខេត្តសៀមរាប ដើម្បីពិភាក្សាការអប់រំរបស់ព្រះពុទ្ធសាសនា និងសិទ្ធិមនុស្ស និងទស្សនាខ្សែវីឌីអូ មួយចំនួនទាក់ទងនឹងបញ្ហាសិទ្ធិមនុស្ស។
ប្រជាពលរដ្ឋនិងកសិករ ប្រមាណ៥០០នាក់នឹងលេងល្បែងប្រជាប្រិយ ពិភាក្សាអំពីបញ្ហាសិទ្ធិមនុស្ស និងដង្ហែក្បួន នៅភូមិឈូក ខេត្តកោះកុង។
សិស្សានុសិស្ស ព្រះសង្ឃ និងអាជ្ញាធរមូលដ្ឋាន នឹងជួបជុំគ្នានៅក្នុងភូមិសាវ ខេត្តកំពង់ធំ ដើម្បីពិភាក្សាបញ្ហាសិទ្ធិមនុស្ស រៀបចំដង្ហែក្បួន និងបង្ហោះប៉េងប៉ោង។
សមាជិកក្រុមគ្រួសារ កសិករ អ្នកដឹកនាំសហជីព សិស្សនិស្សិត សិល្បករ និងបុគ្គលិកអង្គការមិនមែនរដ្ឋាភិបាល នឹងដឹកនាំយកនូវកញ្ចប់ម្ហូបអាហារ និងជួបសួរសុខទុក្ខ អ្នកការពារសិទ្ធិមនុស្សចំនួន៥២នាក់ នៅតាមពន្ធនាគារនៅភ្នំពេញ និងតាមបណ្ដាខេត្តមួយចំនួនទៀត។

លោក ស ម៉ូរ៉ា ប្រធានសហព័ន្ធសហជីពកម្មករចំណីអាហារ និងសេវាកម្មកម្ពុជាបានមានប្រសាសន៍ថា "រដ្ឋធម្មនុញ្ញនៃព្រះរាជាណាចក្រកម្ពុជាធានាឲ្យមាននូវសេរីភាពក្នុងការបញ្ចេញមតិ និងការប្រមូលផ្ដុំ ដែលជាមូលដ្ឋានគ្រឹះនៃប្រជាធិបតេយ្យ"។ "ប្រសិនបើ យើងគ្មានសេរីភាពក្នុងការបញ្ចេញមតិទេ រដ្ឋាភិបាលក៏មិនដឹងពីក្ដីសង្ឍឹម និងសេចក្ដីត្រូវការរបស់យើងឡើយ ហើយគោលបំណងក្នុងការទទួលបានយុត្តិធម៌ក៏នឹងមិនអាចសម្រេចបានឡើយ"។

លោកស្រីវេជ្ជ. ពុង ឈីវកេក ប្រធានអង្គការសម្ព័ន្ធខ្មែរជំរឿននិងការពារសិទ្ធិមនុស្ស លីកាដូ មានប្រសាសន៍ថា "គេត្រូវតែផ្ដល់យុត្តិធម៌ជូនចំពោះប្រជាពលរដ្ឋក្រីក្រ និងប្រជាពលរដ្ឋដែលគេមិនឲ្យតម្លៃ (ប្រជាពលរដ្ឋដែលត្រូវគេផាត់ចេញពីសង្គម) ហើយគេត្រូវតែអនុវត្តច្បាប់ឲ្យបានស្មើៗគ្នា ចំពោះអ្នកក្រីក្រ អ្នកមានទ្រព្យធន និងអ្នកមានអំណាច"។ លោកស្រីបានបន្តទៀតថា "ប្រជាកសិករក្រីក្រមានសិទ្ធិដូចគ្នានឹងអ្នកមានទ្រព្យធនដែរ។ តុលាការកម្ពុជាខកខានមិនបានផ្ដល់យុត្តិធម៌ជូនជនរងគ្រោះដែលត្រូវគេរំលោភបំពាន និងកេងប្រវញ្ចសិទ្ធិរបស់គាត់។ កំណែទម្រង់ប្រព័ន្ធតុលាការគឺជាតម្រូវការចាំបាច់ ដើម្បីពង្រឹងឯករាជភាព និងវិជ្ជាជីវៈរបស់តុលាការ និងដើម្បីលុបបំបាត់អំពើពុករលួយ"។

លោក យ៉េង វិរៈ នាយកប្រតិបត្តិនៃមជ្ឈមណ្ដលអប់រំច្បាប់សម្រាប់សហគមន៍ មានប្រសាសន៍ថា "យើងសូមស្វាគមន៍ចំពោះការអភិវឌ្ឍ ប៉ុន្តែត្រូវគិតពីផលប្រយោជន៍អ្នកក្រីក្រផង។ ត្រូវតែបញ្ឈប់ការបណ្ដេញបង្ខំទាំងឡាយ ហើយរដ្ឋាភិបាលត្រូវមានគោលនយោបាយដែលធានា និងបង្កលក្ខណៈឲ្យមានការចូលរួម អាចអនុវត្តសិទ្ធិទទួលព័ត៌មាន សេរីភាពក្នុងការបញ្ចេញមតិ និងសេរីភាពក្នុងការដើរហើរ"។

មិត្ត១០ធ្នូគឺជាក្រុមមិនផ្លូវការមួយ ដែលផ្ដល់ការគាំទ្រ និងជួយក្នុងការផ្ដួចផ្ដើមគំនិតដើម្បីប្រារព្វទិវាសិទ្ធិមនុស្សអន្តរជាតិនៅទូទាំងប្រទេសកម្ពុជា។

ប្រព័ន្ធសារព័ត៌មានទាំងអស់ត្រូវបានអញ្ជើញឲ្យចូលរួមក្នុងការប្ររព្វទិវាសិទ្ធិមនុស្ស ១០ធ្នូ និងសូមទាក់ទងទៅមនុស្សមួយចំនួនដែលមាននៅក្នុងបញ្ជីតារាងសកម្មភាព ដែលនឹងត្រូវប្រារព្វនៅ៧០កន្លែងនៅរាជធានីភ្នំពេញ និង១៧ខេត្តក្រុងទៀត។

Thursday, September 10, 2009

ស្ថានទូតកម្ពុជាប្រចាំសហរដ្ឋអាមេរិក អះអាងថា ៖ ស្ថានភាពសិទ្ធិមនុស្សនៅកម្ពុជា មានការរីកចម្រីនជាលំដាប់

ខាងក្រោមនេះជា សម្រង់ព័ត៌មានពីវិទ្យុអន្តរជាតិបារាំងដែលបានផ្សាយនៅថ្ងៃទី១០ ខែកញ្ញានេះ។ ដើម្បីអាន ឬស្ដាប់ព័ត៌មានលម្អិតពីវិទ្យុនេះ សូមចុចទីនេះ។
"នៅក្នុងសេចក្តីថ្លែងការណ៍របស់ខ្លួនកាលពីថ្ងៃទី ៩ កញ្ញា ស្ថានទូតខ្មែរប្រចាំទីក្រុង វ៉ាស៊ីនតោន បានអះអាងពីដំណើរការយ៉ាងរលូននៃការអនុវត្តន៍លទ្ធិប្រជាធិបតេយ្យ និងការគោរពសិទ្ធិមនុស្សនៅកម្ពុជា។ សេចក្តីថ្លែងការណ៍នជធ្វើឡើងនៅមុនពេលដែលតំណាងរាស្ត្រគណៈបក្ស ប្រឆាំង និងតំណាងអង្គការក្រៅរដ្ឋាភិបាល ផ្តល់សក្ខីកម្មចំពោះមុខគណៈកម្មាធិការសិទ្ធមនុស្ស ថាមឡានថូស (Tom Lantos) ដែលជាស្ថាប័នសភារបស់អាមេរិក ទទួលបន្ទុកត្រួតពិនិត្យមើលស្ថានភាពសិទ្ធិមនុស្ស ជុំវិញពិភពលោក។ អ្នកនាំពាក្យក្រសួងការបរទេសវាយតម្លៃជាមុនថា អ្នកទាំងនោះនឹងមិននិយាយអ្វីដែលស្ថិតក្នុងន័យរិះគន់ស្ថាបនា ឡើយ។

Agriculture Cambodia

Pages