អត្ថបទចុះផ្សាយថ្ងៃទី៥ ខែវិច្ឆិកា ឆ្នាំ២០០៩
ឌឹ ណេហ្សឹន/អេសៀញូសណេតវើក (The Nation/Asia News Network)
Click here to read the news in English.
Click here to read the news in English.
លោកថាក់ស៊ីន បានសរសេរនៅក្នុង Twitter របស់លោកដែលមានឈ្មោះថា (Thaksinlive) ថា “ខ្ញុំសូមអរគុណលោកហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានតែងតាំងខ្ញុំជាទីប្រឹក្សាផ្នែកសេដ្ឋកិច្ច របស់លោក”។
ប្រទេសកម្ពុជាផ្ញើជូនលោកនូវព្រះរាជក្រឹត្យ តែងតាំងមួយច្បាប់ដែលឡាយព្រះហស្ដលេខា ដោយព្រះករុណាព្រះបាទសម្ដេចព្រះបរម្យនាថ នរោតម្ត សីហមុនី។
ប៉ុន្តែលោកថាក់ស៊ីនបានមានប្រសាសន៍ថា លោកកាន់តែសប្បាយចិត្តនឹងធ្វើការបម្រើប្រជាពលរដ្ឋថៃវិញ។
ព្រះមហាក្សត្រនៃព្រះរាជាណាចក្រកម្ពុជាបានឡាយព្រះហស្ដលេខាលើព្រះរាជក្រឹត្យតែងតាំងលោក ថាក់ស៊ីន នៅថ្ងៃទី២៧ ខែតុលា ឆ្នាំ២០០៩នេះ។ ការតែងតាំងនេះត្រូវបានធ្វើឡើងទៅតាមរដ្ឋធម្មនុញ្ញនៃព្រះរាជាណាចក្រកម្ពុជា តាមសំណើរបស់លោកនាយករដ្ឋមន្ត្រី ហ៊ុន សែន។
នៅពេលលោកហ៊ុន សែនអញ្ជើញទៅដល់ ហួ ហ៊ិន ដើម្បីចូលរួមប្រជុំកំពូលអាស៊ាន កាលពីខែតុលា លោកហ៊ុន សែនបានប្រកាសថា “ថាក់ស៊ីនអាចស្នាក់នៅក្នុងប្រទេសកម្ពុជាជាភ្ញៀវរបស់ប្រទេសនេះ និងអាចធ្វើជាទីប្រឹក្សាផ្ទាល់របស់ខ្ញុំ ផ្នែកសេដ្ឋកិច្ច"។
មេដឹកនាំប្រទេសកម្ពុជាបានមានប្រសាសន៍ជាច្រើនដងអំពីការអញ្ជើញលោកថាក់ស៊ីនឲ្យស្នាក់នៅក្នុងប្រទេសកម្ពុជា ព្រមទាំងបានច្រានចោលការទាមទាររបស់ប្រទេសថៃថា ភ្នំពេញនឹងមិនធ្វើបត្យាប័នមហាសេដ្ឋីនេះទ។
លោកហ៊ុន សែនបានមានប្រសាសន៍ថា “ការបារម្ភរបស់យើងគឺជាហេតុផលមនុស្សធម៌។ វាជារឿងមិត្តជួយមិត្ត។ បញ្ហារបស់ថៃគប្បីត្រូវទុកឲ្យប្រទេសថៃ ជាអ្នកដោះស្រាយ ខ្ញុំមិនជ្រៀតជ្រែកចូលផ្ទៃក្នុងរបស់ប្រទេសថៃទេ”។
ប្រទេសកម្ពុជាក៏បានចេញសេចក្ដីថ្លែងការណ៍មួយថា ប្រទេសកម្ពុជានឹងមិនផ្ដល់បត្យាប័នលោកថាក់ស៊ីនទៅតាមសំណើរបស់ប្រទេសថៃទេ បើសិនជាលោកថាក់ស៊ីនមករស់នៅក្នុងប្រទេសកម្ពុជា។ទន្ទឹមគ្នានោះដែរ នៅក្នុងសេចក្ដីថ្លែងការណ៍នោះក៏បានបញ្ជាក់ដែរថា រាជរដ្ឋាភិបាលកម្ពុជានឹងនៅតែបន្តនយោបាយរបស់ខ្លួនក្នុងការរក្សាទំនាក់ទំនងមិត្តភាពជាមួយប្រទេសថៃដដែល។
No comments:
Post a Comment